Fusse un poeta….
Fusse un poeta…
Ermetico,
Parlarìa de l’Eterno:
De la coscienza in mi,
De le stele su mi,
E del mar che voleva e no’ voleva
(Ah, canagia d’un mar!)
Darme le so parole
Ma son…
(Perché no dirlo?)
Son un poeta
E ti ghe géri tì ne la mi barca.
E le stele su nù ghe sarà stàe,
E la coscienza in nù,
E le onde se sarà messe a parlar,
Ma ti-ghe-géri ti ne la mi barca,
(E géra fermi i remi).
In mezo al mar.
E ‘NDÉVENO CUSSÌ LE VELE AL VENTO
E ‘ndéveno cussì le vele al vento
lassando drìo de noltri una gran ssia,
co’ l’ánema in t’i vogi e ‘l cuor contento
sensa pinsieri de manincunia.
Mámole e mas-ci missi zo a pagiol
co’ Leto capitano a la rigola;
e ‘ndéveno cantando soto ‘l sol
canson, che incòra sora ‘l mar le sbola.
E l’aqua bronboleva drío ‘l timon
e del piasser la deventava bianca
e fin la pena la mandeva un son
fin che la bava no’ la gera stanca.
E ANDAVAMO COSI’, LE VELE AL VENTO
E andavano così, le vele al vento
lasciando dietro di noi una gran scia,
con l’anima negli occhi e il cuor contento
senza pensieri di malinconia.
Fanciulle e ragazzi seduti giù a pagliolo
con alla barra Leto capitano;
andavamo cantando sotto il sole
canzoni che ancora volano sul mare.
L’acqua ribolliva dietro il timone
e dal piacere diventava bianca,
persino la penna suonava:
fin che la bava non era stanca.
tratto da Elegie Istriane – Ed. All’Insegna del Pesce d’Oro (30 giugno 1992)